இயக்குனர் மனு ஆனந்த் தமிழில்’எப்ஐஆர்’ என்ற படத்தை இயக்கியிருந்தார் இப்படம் கலவையான விமர்சனங்களைப் பெற்றது. இப்போது இவரின் இயக்கத்தில் ஆர்யா, கவுதம் கார்த்திக், சரத்குமார், மஞ்சு வாரியர், அனகா, ரைசா வில்சன், அதுல்யா மற்றும் பலர் நடித்துள்ள படம் தான் மிஸ்டர் எக்ஸ் திரைப்படம்.
இப்படத்தில் ஆர்யா சம்பந்தப்பட்ட காட்சிகளின் படப்பிடிப்பு நிறைவடைந்தது என தயாரிப்பு நிறுவனம் அதிகாரப்பூர்வமாக அறிவித்துள்ளது. மிஸ்டர் எக்ஸ்’ ஆக உடல் ரீதியாகவும், மன ரீதியாகவும் மாறியது மிகவும் உற்சாகமானது. என்ன வரப் போகிறது என்பதைக் காண ஆர்வமாக உள்ளேன்,” என அது குறித்து ஆர்யா கூறியுள்ளார்.
தற்போது இப்படத்தின் படப்பிடிப்பு முடிந்த நிலையில் அடுத்ததாக பா.ரஞ்சித் இயக்கத்தில் வெளிவந்து மாபெரும் வெற்றி பெற்ற சார்பட்டா பரம்பரை படத்தின் இரண்டாம் பாகமான ‘சார்பட்டா பரம்பரை 2’ படத்தில் ஆர்யா நடிக்க உள்ளார். ‘தங்கலான்’ படத்தின் வேலைகளில் பிஸியாக உள்ள அதை முடித்துக் கொடுத்த பின் ‘சார்பட்டா பரம்பரை 2’ படத்தின் படப்பிடிப்பு துவங்கும் என கூறப்படுகிறது.
