தமிழ் சினிமாவில் தொடர்ந்து வட இந்தியர்களால் இங்கே ஏற்படும் பிரச்சனைகள் பற்றிய கதைகள் உருவாக்கப்பட்டு வரும் நிலையில், ‘வடக்கன்’ என்ற தலைப்புடன் ஒரு புதிய படத்தை உருவாக்கியுள்ளனர்.பிரபல எழுத்தாளர் பாஸ்கர் சக்தி தனது இயக்குனராகும் அறிமுக படத்திற்கு ‘வடக்கன்’ என பெயரிட்டுள்ளார்.
லிங்குசாமியின் திருப்பதி பிரதர்ஸ் நிறுவனம், இந்த மாதம் 24ஆம் தேதி அந்த படத்தை வெளியிட திட்டமிட்டுள்ளது. குங்கும ராஜ் மற்றும் வைரமாலா முக்கிய கதாபாத்திரங்களில் நடித்துள்ளனர். அதோடு, ரமேஷ் வைத்தியா, பர்வேஷ் மெஹ்ரூ, சமீரா உள்ளிட்ட பலர் இப்படத்தில் நடித்துள்ளனர்.
அடுத்த வாரம் இந்த படத்தை வெளியிட திட்டமிட்டிருந்தபோது, சமீபத்தில் தணிக்கைக்காக அனுப்பியபோது சில சிக்கல்கள் ஏற்பட்டன. தணிக்கை குழுவினர், படத்தின் தலைப்பான ‘வடக்கன்’க்கு எதிராக அவர்களின் கருத்தை வெளிப்படுத்தி உள்ளனர்.தலைப்பு மிகவும் முக்கியமானது என்று நினைத்த படக்குழுவினர், ரிவைசிங் கமிட்டியை அணுக முடிவு செய்தனர். இதனால், எதிர்பார்த்தபடி அடுத்த வாரம் படம் வெளியாகுமா என்பதில் சந்தேகம் எழுந்துள்ளது.
