நடிகர் ரஜினிகாந்த் மற்றும் இயக்குநர் லோகேஷ் கனகராஜ் இணைந்து உருவாக்கி வரும் திரைப்படம் “கூலி”. இந்தப் படத்தின் டைட்டில் வீடியோ மற்றும் பாடல் க்ளிம்ப்ஸ் ஆகியவை ஏற்கனவே வெளியிடப்பட்டுள்ளன. இந்த இரண்டு வீடியோக்களும் ரசிகர்களிடையே பெரும் வரவேற்பைப் பெற்றுள்ளன.
“கூலி” திரைப்படத்தின் படப்பிடிப்பு பணிகள் முற்றுவடைந்துள்ளன. இதனை ஒட்டி, படக்குழுவினர் கேக் வெட்டி கொண்டாடியுள்ளனர். மேலும், படப்பிடிப்பு நிறைவடைந்ததற்காக படக்குழுவினர் ஒரு சிறப்பு கிளிம்ப்ஸ் வீடியோவை வெளியிட்டுள்ளனர்.

இந்தப் படத்திற்கு அனிருத் இசையமைக்கிறார். மேலும், இப்படத்தில் நடிகர் சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான், உபேந்திரா உள்ளிட்ட பல முன்னணி நடிகர்கள் முக்கியக் கதாபாத்திரங்களில் நடிக்கின்றனர்.“கூலி” திரைப்படத்திற்காக கிரிஷ் கங்காதரன் ஒளிப்பதிவு செய்துள்ளார். சண்டைக் காட்சிகளை அன்பறிவ் வடிவமைத்து இயக்கியுள்ளார். இந்நிலையில், “கூலி” படத்தின் புதிய அப்டேட் ஒன்று நாளை வெளியாகும் என படக்குழுவினர் போஸ்டர் மூலம் அதிகாரப்பூர்வமாக அறிவித்துள்ளனர். கூலி படத்தின் டீசர் அல்லது முதல் பாடல் அல்லது வேறு ஏதேனும் புது முயற்சியாக படம் குறித்து அப்டேட்களை படக்குழு வெளியிட திட்டமிட்டிருக்கலாம் என எதிர்பார்க்கப்படுகிறது.