லோகேஷ் கனகராஜ் இயக்கத்தில் ரஜினிகாந்த் நடித்துள்ள 171-வது திரைப்படமான ‘கூலி’ தற்போது உருவாகி வருகிறது. இப்படத்தின் படப்பிடிப்பு பணிகள் முடிவடைந்து, தற்போது இறுதிகட்ட பணிகள் தீவிரமாக நடைபெற்று வருகின்றன. இந்த ‘கூலி’ திரைப்படம் வருகிற ஆகஸ்ட் மாதம் 14-ந்தேதி திரையரங்குகளில் வெளியிடப்படும் என அறிவிக்கப்பட்டுள்ளது. இப்படத்தை சன் பிக்சர்ஸ் நிறுவனம் தயாரித்துள்ளது, மேலும் இசையமைப்பாளராக அனிருத் பணியாற்றியுள்ளார்.
இந்த திரைப்படத்தில் ரஜினிகாந்த் உடன் சேர்ந்து சுருதிஹாசன், நாகார்ஜுனா, உபேந்திரா, சத்யராஜ், அமீர் கான் ஆகிய முன்னணி நட்சத்திரங்கள் முக்கிய கதாபாத்திரங்களில் நடித்துள்ளனர். இதற்குடன் பூஜா ஹெக்டே சிறப்பு தோற்றத்தில் நடனம் ஆடியுள்ளார்.
இந்நிலையில் ‘கூலி’ திரைப்படத்தை பற்றிய புதிய வீடியோ ஒன்றை படக்குழுவினர் வெளியிட்டுள்ளனர். அதாவது, ‘கூலி’ திரைப்படம் திரைக்கு வர இன்னும் 100 நாட்கள் இருப்பதை முன்னிட்டு, அதன் முன்னோட்டமாக ஒரு டீசர் வெளியாகியுள்ளது.
