நடிகர் ரஜினிகாந்த் மற்றும் லோகேஷ் கனகராஜ் இணைந்துள்ள புதிய படம் கூலி. இந்தப் படத்தின் படப்பிடிப்பு அடுத்த மாதம் தொடங்கும் என்று லோகேஷ் கனகராஜ் ஒரு பேட்டியில் உறுதிப்படுத்தியிருந்தார். இதற்கு முன்பு வெளியான இந்தப் படத்தின் போஸ்டர் மற்றும் டைட்டில் டீசர் ரசிகர்களிடையே பெரும் வரவேற்பைப் பெற்றதுடன், படத்தின் மீதான எதிர்பார்ப்பை உயர்த்தியுள்ளது.
இப்படத்தில் ரஜினிகாந்த் இதுவரை அவர் ஏற்காத கேரக்டரில் நடிக்கவுள்ளதாக லோகேஷ் கனகராஜ் குறிப்பிட்டுள்ளார். இந்நிலையில், படத்தின் ஃபர்ஸ்ட் லுக் போஸ்டர் மற்றும் டைட்டில் டீசர் வெளியாகி ரசிகர்களை வெகுவாக கவர்ந்துள்ளன. ரஜினிகாந்த் மாஸ் லுக்குடன் டைட்டில் டீசரில் ரசிகர்களை கவர்ந்துள்ளார்.
தங்க கடத்தலை மையமாகக் கொண்டு இப்படத்தின் கதைக்களம் இருக்குமென தகவல்கள் வெளியாகியுள்ளன. ரஜினியின் கேரியரில் மிக பிரம்மாண்டமாகவும் வித்தியாசமான கதைக்களத்தில் உருவாகும் இந்த படத்தின் ஸ்கிரிப்ட் வேலைகளுக்காக லோகேஷ் அதிக காலத்தை எடுத்துள்ளார். சமீபத்தில் தனது ஸ்கிரிப்ட் டீமுடன் எடுத்த புகைப்படங்களை அவர் சமூக வலைத்தளங்களில் பகிர்ந்துள்ளார்.
LCU இந்தப் படத்தில் இடம்பெறாது என்று அவர் முன்னதாகவே அறிவித்திருந்தாலும், முந்தைய படங்களில் நடித்த LCU கேரக்டர்கள் இதில் இடம்பெறுவார்கள் என்றும் குறிப்பிட்டுள்ளார். இதனால் இந்தப் படத்தை எதிர்பார்க்கும் ரசிகர்களின் ஆர்வம் மேலும் அதிகரித்துள்ளது.
