தமிழ் சினிமாவில் முன்னணி நடிகர்களில் ஒருவரான சரத்குமார், இதுவரை நூற்றுக்கும் மேற்பட்ட படங்களில் நடித்துள்ளார். கடந்த ஆண்டு வெளியான பொன்னியின் செல்வன், போர் தொழில், பரம் பொருள் போன்ற திரைப்படங்கள் மூலம் சரத்குமாருக்கு நல்ல வரவேற்பு கிடைத்தது. தற்போது அவர் போலீஸ் கதாபாத்திரத்தில் நடித்து வருகிறார். கடந்த மாதம் வெளியான ஹிட் லிஸ்ட் திரைப்படத்தில் முக்கிய கதாபாத்திரத்தில் நடித்திருந்தார்.
சமீபத்தில் சரத்குமாரின் மகள் வரலட்சுமி மற்றும் நிக்கோலாய் சச்தேவின் திருமணம் சென்னையில் உள்ள லீலா பேலஸில் பிரம்மாண்டமாக நடைபெற்றது. திருமண வரவேற்பு விழாவில் தென்னிந்திய திரையுலக பிரபலங்கள் கலந்து கொண்டு மணமக்களை வாழ்த்தினர்.
மேஜர் ரவி இயக்கத்தில் சரத்குமார் முக்கிய வேடத்தில் நடித்துள்ள படம் “ஆபரேஷன் ராஹத்”. கே கிருஷ்ணகுமார் எழுதிய இந்த பான்-இந்திய திரைப்படத்தை பிரசிடென்ஷியல் மூவிஸ் இன்டர்நேஷனல் பிரைவேட் லிமிடெட் தயாரித்துள்ளது. தயாரிப்பு குழுவில் மேஜர் ரவியின் மகன் அர்ஜுன் ரவி ஒளிப்பதிவாளராகவும், ரஞ்சின் ராஜ் இசையமைப்பாளராகவும், டான் மேக்ஸ் எடிட்டராகவும் உள்ளனர்.நேற்று ன்று படத்தின் டீசர் வெளியிடப்பட்டுள்ளது. டீசர் சமூக வலைதளங்களில் வைரலாகி வருகிறது. சரத்குமார் தனது எக்ஸ் தளபதிவில் “ஆபரேஷன் ராஹத்” படத்தின் ஒரு பகுதியாக இருப்பதில் மகிழ்ச்சி” என்று தெரிவித்துள்ளார்.
