சேது படத்தின் மூலம் இயக்குநராக அறிமுகமான பாலா தொடர்ந்து பல ஹிட் படங்களை கொடுத்தார். அவரது சில படங்கள் வணிக ரீதியாக மிகப்பெரிய வெற்றியை அடையவில்லை என்றாலும், விமர்சகர்களால் பாராட்டப்பட்டவை. இந்திய அளவிலான முக்கிய இயக்குநர்களில் ஒருவராக பாலா திகழ்ந்துகொண்டிருக்கிறார். ஆனால் நடுவில் சில பிரச்னைகள் அவரை சுற்றிவளைந்தது. அவரது கடைசியாக ஹிட் படம் கொடுத்து பல வருடங்கள் ஆகிவிட்டன.
நீண்ட இடைவெளிக்குப் பிறகு, சூர்யாவை வைத்து வணங்கான் படத்தை தொடங்கிய பாலா, ஒரு ஷெட்யூல் ஷூட்டிங்கும் நடத்தினார். ஆனால், சூர்யா மற்றும் பாலா இடையே ஏற்பட்ட கருத்து மோதலினால், சூர்யா அப்படத்திலிருந்து விலகினார். இது பாலாவுக்கு மேலும் ஒரு சவாலாக அமைந்தது.
தன்னை மீண்டும் நிரூபிக்க வேண்டும் என்ற கர்வத்துடன், பாலா வணங்கான் படத்தை அருண் விஜய்யை வைத்து இயக்கத் தொடங்கினார்.விறுவிறுப்பாக நடந்த ஷூட்டிங் முடிந்து, தற்போது இறுதிக்கட்ட பணிகள் நடைபெற்று வருகின்றன. இதில் மிஷ்கின் உள்ளிட்ட பலரும் நடித்துள்ளனர். இந்தப் படத்தை ஹிட் படமாக மாற்றி பழைய பாலாவாக மீண்டு வருவார் என்று அவரது ரசிகர்கள் நம்பிக்கையுடன் காத்திருக்கின்றனர்.
தற்போது வணங்கான் படத்தின் வெளியீடு எப்போது என்ற தகவல் வெளியாகியுள்ளது. அதன்படி, படக்குழு ஜூலை மாதத்தில் படம் ரிலீஸ் செய்ய திட்டமிட்டுள்ளதாம். அத்துடன், அதே மாதத்தில் ஷங்கர் இயக்கத்தில் கமல் ஹாசன் நடித்திருக்கும் இந்தியன் 2 படமும் வெளியாக உள்ளது. இந்நிலையில் இந்த இரண்டு படங்களும் மோதிக்கொள்ளுமா என்பதை பொறுத்திருந்து தான் பார்க்க வேண்டும்.
