ஷங்கரின் இயக்கத்தில், அனிருத் இசையமைப்பில், கமல்ஹாசன், சித்தார்த், எஸ்.ஜே. சூர்யா, காஜல் அகர்வால், ரகுல் ப்ரீத் சிங் மற்றும் பலர் நடிக்கும் ‘இந்தியன் 2’ படம் அடுத்த மாதம் 12ம் தேதி வெளியாக உள்ளது. இப்படத்தின் புரமோஷன் சில நாட்களுக்கு முன்பே ஆரம்பிக்கப்பட்டது.
சென்னை மற்றும் மும்பையில் படக்குழுவினர் பத்திரிகையாளர்களை சந்தித்தனர். இன்று மாலை மலேசியாவில் பத்திரிகையாளர்களை சந்திக்க உள்ளனர். அதற்குப் பிறகு ரசிகர்களை சந்திக்கும் நிகழ்வும் நடக்க உள்ளது. இதற்காக கமல்ஹாசன், சித்தார்த், எஸ்.ஜே. சூர்யா உள்ளிட்ட படக்குழுவினர் மலேசியா சென்றுள்ளனர்.
மலேசியாவில் இப்படம் சுமார் 156 இடங்களில் திரையிடப்பட உள்ளது. இதற்கு முன்பு வேறு எந்தப் படமும் மலேசியாவில் இத்தனை இடங்களில் வெளியாகவில்லை. மலேசியாவைத் தொடர்ந்து சிங்கப்பூரிலும் பத்திரிகையாளர் சந்திப்பு நடைபெற உள்ளது. மேலும் சில வெளிநாடுகளிலும் இப்படத்திற்கான நிகழ்வுகள் நடைபெற உள்ளன என தகவல்கள் வெளியாகியுள்ளன.
