நடிகர் அஜித் குமார் மற்றும் இயக்குநர் மகிழ் திருமேனி இணைந்து உருவாக்கி வரும் படம் ‘விடாமுயற்சி’. லைகா நிறுவனம் தயாரிக்கிற இந்தப் படத்தில், அர்ஜூன், ஆரவ், ரெஜினா கசாண்ட்ரா, பிரியா பவானி சங்கர் உள்ளிட்ட பலர் முக்கிய கதாபாத்திரங்களில் நடித்துள்ளனர்.
‘விடாமுயற்சி’ என்பது அஜித் குமாரின் 62-ஆவது திரைப்படமாகும். அனிருத் இசையமைக்கும் இந்தப் படத்தின் பெரும்பாலான படப்பிடிப்பு அஜர்பைஜானில் நடைபெற்றது. சமீபத்தில் இந்தப் படத்தின் பர்ஸ்ட் லுக் போஸ்டர் வெளியிடப்பட்டது. அதன் பின்னர் தொடர்ந்து ‘விடாமுயற்சி’ படத்தின் புதிய போஸ்டர்கள் வெளியிடப்பட்டு வருகின்றன. மேலும், ‘விடாமுயற்சி’ படத்தின் படப்பிடிப்பு முழுமையாக முடிவடைந்துவிட்டதாக தகவல்கள் வெளியாகியுள்ளன.
. சமீபத்தில் எடுக்கப்பட்ட, அஜித், அர்ஜூன், மற்றும் திரிஷா ஆகியோர் ‘விடாமுயற்சி’ படக்குழுவினருடன் எடுத்துக்கொண்ட புகைப்படங்களும் தற்போது இணையத்தில் வைரலாகி வருகின்றன. இந்நிலையில், ‘விடாமுயற்சி’ படத்தின் புதிய போஸ்டர்கள் வெளியாகியுள்ளன. இந்த போஸ்டர்களில் நடிகர் கணேஷ் சரவணன் மற்றும் தசரதி ஆகியோர் நடித்துள்ள தோற்றங்கள் இடம்பெற்றுள்ளன.
