நடிகர் சூர்யாவின் 44-வது படமான ‘ரெட்ரோ’, இயக்குநர் கார்த்திக் சுப்பராஜ் இயக்கத்தில் உருவாகி வருகிறது. இப்படத்தை சூர்யாவின் 2D எண்டர்டெயின்மெண்ட் மற்றும் கார்த்திக் சுப்பராஜின் ஸ்டோன் பென்ச் நிறுவனம் இணைந்து தயாரிக்கின்றன. இப்படத்திற்கு சந்தோஷ் நாராயணன் இசையமைத்துள்ளார்.
பூஜா ஹெக்டே கதாநாயகியாக நடித்துள்ள இப்படத்தில், ஜெயராம், கருணாகரன், ஜோஜு ஜார்ஜ், சுஜித் ஷங்கர் உள்ளிட்ட பலர் முக்கிய கதாபாத்திரங்களில் நடித்துள்ளனர். இப்படம் வருகிற மே 1-ஆம் தேதி தொழிலாளர் தினத்தில் திரைக்கு வரவுள்ளது.
ஏற்கனவே, ‘ரெட்ரோ’ படத்தின் சில படப்பிடிப்பு காட்சிகள் காமிக்ஸ் வடிவில் வெளியிடப்பட்டு ரசிகர்களிடையே நல்ல வரவேற்பைப் பெற்றது. மேலும், படக்குழு, வாரத்திற்கு ஒன்று என்ற கணக்கில் படப்பிடிப்பு காட்சிகளை வெளியிடும் என்று அறிவித்திருந்தது. அதன்படி, 4-வது வார படப்பிடிப்பு காட்சிகள் தற்போது காமிக்ஸ் வடிவில் வெளியாகி, இணையத்தில் வைரலாகி வருகிறது.
