தமிழ் சினிமாவில் முன்னணி நடிகர்களில் ஒருவராக திகழ்கிறவர் கவின். அவரின் சமீபத்திய திரைப்படமான “ஸ்டார்” வெளியீட்டுக்கு வந்துள்ளது. இப்படம் விமர்சகர்களிடையே கலவையான கருத்துகளை பெற்றிருந்தாலும், வசூலில் சிறப்பாக ஈட்டியது. தற்போது அவர் பிரபல இயக்குனர் நெல்சனின் தயாரிப்பில் உருவான “பிளடி பெக்கர்” எனும் புதிய படத்தில் நடித்துள்ளார், மற்றும் இந்த படம் வருகிற 31-ஆம் தேதி தீபாவளி பண்டிகையை முன்னிட்டு வெளியாகவுள்ளது.
இந்நிலையில், கவின் தற்போது அறிமுக இயக்குனர் விகர்ணன் அசோக் இயக்கும் மற்றொரு புதிய படத்தில் பணியாற்றி வருகிறார். இப்படத்திற்கு “மாஸ்க்” என்று பெயரிடப்பட்டுள்ளது. இதில் கவினுடன் ஆண்ட்ரியா முக்கிய பாத்திரத்தில் நடித்துவருகிறார். மேலும், சார்லி, ருஹானி ஷர்மா, பாலா சரவணன், விஜே அர்ச்சனா, சந்தோக் உள்ளிட்ட பலரும் இப்படத்தில் முக்கியக் கதாபாத்திரங்களில் நடித்துள்ளனர். இசையமைப்பாளர் ஜி.வி. பிரகாஷ் இப்படத்திற்கு இசையமைக்கிறார்.
நடிகர் கவின் சமீபத்திய பேட்டியில், மாஸ்க் திரைப்படம் குறித்து சில தகவல்களை பகிர்ந்துள்ளார். அதாவது மாஸ்க் பட கதை ஆக்ஷன் த்ரில்லராக இருக்கும். இதில் டார்க் காமெடியும் உள்ளது. இந்த படத்தின் கதையை முதலில் வெற்றிமாறன் சார் தான் என்னை அவரின் அலுவலகம் அழைத்து சொன்னார். இரண்டு கதைகள் உள்ளது ஏதாவது ஒன்றை தேர்வு செய்யுங்கள் என்று சொன்னார். வெற்றிமாறன் சாரும் முழு ஈடுபாட்டுடன் முக்கியமான காட்சிகளின் படப்பிடிப்பு நடக்கும்போது வந்தார். இந்த கதை வித்தியாசமானது சுவாரஸ்யமானது என்று பகிர்ந்துள்ளார்
