தெலுங்கு திரையுலகில், பிரபல சீனியர் ஹீரோக்களின் வாரிசுகள் மற்றும் அவர்களது குடும்ப உறுப்பினர்கள் அவ்வப்போது கதாநாயகர்களாக அறிமுகமாகி வருகிறார்கள். பலர் தங்களது திறமையால் முன்னேறி, திரையுலகில் தனக்கென ஒரு இடத்தைப் பிடித்துள்ளனர். அதேபோல், பிரபல நடிகர் பாலகிருஷ்ணாவின் வாரிசுகள் யாரும் இதுவரை சினிமாவில் அறிமுகமாகவில்லை என்றதால் பலருக்கும் ஆச்சரியம் ஏற்பட்டு இருக்கிறது.
இந்த நிலையில், விரைவில் பாலகிருஷ்ணாவின் மகன் மோக்சக்னா தேஜா கதாநாயகனாக அறிமுகமாக உள்ளார். இந்த படத்தின் துவக்க விழா வரும் செப்டம்பர் 6ஆம் தேதி, மோக்சக்னா தேஜாவின் பிறந்தநாளில் நடைபெற இருக்கிறது.
இதனை முன்னிட்டு, கடந்த சில மாதங்களுக்கு முன்பு வெளியாகி பெரும் வெற்றியைப் பெற்ற ஹனுமான் படத்தின் இயக்குநர் பிரசாந்த் வர்மா இந்த படத்தை இயக்க உள்ளார். இந்த படமும் அவரின் முந்தைய படத்திற்குச் சம்பந்தப்பட்ட சூப்பர் மேன் கதையைப் போலவே உருவாக உள்ளது. முதல்படத்திலேயே மோக்சக்னா தேஜா சூப்பர் மேன் கதாபாத்திரத்தில் நடிக்க இருக்கிறார். மேலும், பாலகிருஷ்ணாவின் மகளான நந்தமூரி தேஜஸ்வினி இந்த படத்தின் இணை தயாரிப்பாளராகப் பொறுப்பேற்க உள்ளார். இதுகுறித்து அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.
