நடிகர் கார்த்தி தற்போது நலன் குமாரசாமி இயக்கத்தில் தனது 26வது படமாக ‘வா வாத்தியார்’ எனும் படத்தில் நடித்து வருகிறார். இதில் கார்த்தி எம்.ஜி.ஆர் ரசிகராக நடிக்கிறார். மேலும், இந்த படத்தில் பல ஆச்சரியமான பேண்டஸி விஷயங்கள் உள்ளன என்று கூறப்படுகிறது.
ராஜ்கிரண், சத்யராஜ், கிர்த்தி ஷெட்டி உள்ளிட்டோர் இதில் இணைந்து நடிக்கின்றனர். சந்தோஷ் நாராயணன் இசையமைக்கின்றார். தற்போது, இந்த படத்தின் இறுதிக்கட்ட படப்பிடிப்பு சென்னையில் பிரமாண்ட அரங்கம் அமைத்து விறுவிறுப்பாக நடந்து வருகிறது. இம்மாத இறுதிக்குள் முழு படப்பிடிப்பை நிறைவு செய்ய படக்குழு பரபரப்பாக பணியாற்றி வருகிறது.
அதேபோல் மெய்யழகன் படத்திலும் கார்த்தி நடிப்பது கவனிக்கத்தக்கது. இதைத்தொடர்ந்து கார்த்தி கைவசம் சர்தார் 2, கைதி 2 என வரிசையாக படங்கள் உள்ளன. தற்போது வா வாத்தியார் படத்தின் மீது மிகுந்த எதிர்பார்ப்பு எழுந்துள்ள நிலையில் விரைவில் இப்படத்தின் ஒட்டுமொத்த படப்பிடிப்பு முடிக்கப்பட்டு திரைக்கு வரும் என எதிர்பார்க்கப்படுகிறது.
