பாஸ்கர் சக்தி, வெண்ணிலா கபடி குழு, எம்டன் மகன், மற்றும் பாண்டிய நாடு உள்ளிட்ட பல படங்களுக்கு வசனம் எழுதியவர். அவர் அழகர்சாமியின் குதிரை படத்திற்கும் கதை எழுதியிருந்தார். இவர் தற்போது இயக்குநராகவும் அறிமுகமாகியுள்ளார்.
டிஸ்கவரி சினிமாஸ் தயாரித்துள்ள வடக்கன் என்ற இப்படத்தில் முத்துசாமி, வைரமாலா, ரமேஷ் வைத்யா, பிண்டு, வந்தனா உள்ளிட்ட பலரும் நடித்துள்ளனர்.இப்படத்திற்கு பிரபல இசைக்கலைஞர் எஸ்.ஜே.ஜனனி இசையமைத்திருக்கிறார். தேனி ஈஸ்வர் ஒளிப்பதிவு செய்திருக்கும் இப்படத்தின் தியேட்டர் வெளியீட்டு உரிமையை இயக்குநர் லிங்குசாமியின் திருப்பதி பிரதர்ஸ் நிறுவனம் கைப்பற்றியுள்ளது.
கடந்த ஏப்ரல் மாதம் வெளியான இந்த படத்தின் டீசர், “வடக்கன்” என்ற தலைப்பில் சமூக வலைத்தளங்களில் பரவலாக விவாதிக்கப்பட்டது. டீசரில் இடம்பெற்ற காட்சிகள் தமிழ்நாட்டை சேர்ந்த ஹீரோ வடமாநில தொழிலாளிகளிடம் அடி வாங்கி வந்தது போலவும், இதுபோன்ற தொழிலாளர்களால் உள்ளூர் மக்களின் வாழ்வாதாரம் பாதிக்கப்படுவதாகவும் இடம் பெற்றிருந்தது.
ஆனால் வடமாநில மக்களை பொறுத்தவரை இந்தியாவில் தமிழ்நாட்டை தான் சிறந்த பாதுகாப்பான இடமாக கருதுகிறார்கள். அப்படி இருக்கையில் வடக்கன் என்ற பெயரில் இப்படியொரு படம் வருவதை பெரும் அதிர்வலைகளை உண்டாக்கியது. ஆனால் சென்சார் போர்டில் படத்தின் தலைப்புக்கு கடும் எதிர்ப்பு நிலவியது.இதனால் படம் ரிலீசாவதில் சிக்கல் ஏற்பட்டது. இப்படியான நிலையில் வடக்கன் படத்தின் பெயர் மாற்றப்பட்டு புதிய பெயர் “ரயில்” என சூட்டப்பட்டுள்ளது.
