ரஜினியின் கூலி படத்தில் நடிக்க மறுத்துவிட்டாரா நடிகர் நாகர்ஜூனா? #COOLIE

லோகேஷ் கனகராஜ் இயக்கத்தில் நடிகர் ரஜினிகாந்த் நடிப்பில் உருவாகி வரும் திரைப்படம் ‘கூலி’. இப்படத்திற்கு அனிருத் இசையமைக்கிறார். வேட்டையன் படத்தை தொடர்ந்து ரஜினி இப்படத்தில் இணைந்துள்ளார்.

கடந்த சில வாரங்களுக்கு முன்பு இதன் முதற்கட்ட படப்பிடிப்பு ஹைதராபாத்தில் தொடங்கியது. ஏற்கனவே இப்படத்தில் சத்யராஜ், ஸ்ருதிஹாசன், மாஸ்டர் மகேந்திரன், ரெபா மோனிகா ஜான் ஆகியோர் இணைந்து நடித்து வருகின்றனர்.

இவர்கள் அல்லாமல் இப்படத்தில் நடிக்க வைக்க மற்ற மொழிகளில் உள்ள சில முக்கிய நடிகர்களிடம் பேச்சு நடத்தி வருகின்றனர். இதில் முதற்கட்டமாக ஒரு வில்லத்தனம் கலந்த கதாபாத்திரத்தில் தெலுங்கு நடிகர் நாகார்ஜூனா உடன் பேச்சுவார்த்தை நடத்தினர். ஆனால் அவர் இப்படத்தில் நடிக்க மறுத்துவிட்டதாக தகவல்கள் வெளியாகியுள்ளது.