யுவன் ஷங்கர் ராஜா இசைக்கு உலகம் முழுவதும் பல ரசிகர்கள் உள்ளன. தற்பொழுது விஜய் நடித்துள்ள ‘தி கோட்’ திரைப்படத்திற்கு இசையமைத்துள்ளார். இசையமைப்பது மட்டுமல்லாமல் அவர் படங்களை தயாரித்தும் வருகிறார். இதற்கு முன் ஹரிஷ் கல்யாண் நடித்த ‘பியார் பிரேமா காதல்’ மற்றும் ‘ஹை ஆன் லவ்’ என்ற படங்களை தயாரித்தார். இந்த இரண்டு படமே மக்களிடம் நல்ல வரவேற்பை பெற்றது. அதைத்தொடர்ந்து சீனுராமசாமி இயக்கத்தில் விஜய் சேதுபதி நடிப்பில் ‘மாமனிதன்’ திரைப்படத்தை தயாரித்தார்.
தற்பொழுது யுவனின் YSR பிலிம்ஸ் நிறுவனம் அவர்களது 4-வது திரைப்படத்தை தயாரிக்கவுள்ளனர். இப்படத்தின் அறிவிப்பு வீடியோ வெளியாகியுள்ளது. இப்படத்தை ரியோ ராஜ் மற்றும் கோபிகா ரமேஷ் முன்னணி கதாப்பாத்திரங்களில் நடிக்கவுள்ளனர். படத்தில் இவர்களுடன் ரெடின் கிங்ஸ்லி, ரெஞ்சி பானிக்கர், அருணாச்சலம் பா, துளசி, சுரேஷ் சக்கரவர்த்தி நடிக்கவுள்ளனர். இப்படத்தை அறிமுக இயக்குனரான ஸ்வினீத் எஸ் சுகுமார் இயக்கவுள்ளார்.
படத்தின் அறிவிப்பு வீடியோ மிகவும் நகைச்சுவை பாணியில் இருக்கின்றது. இப்படத்தை தயாரித்து, படத்தின் இசையை மேற்கொண்டுள்ளார் யுவன் ஷங்கர் ராஜா. படத்திற்கு ‘ஸ்வீட் ஹார்ட்’ என்று பெயரிட்டுள்ளனர். இந்த வீடியோ காட்சிகள் ரசிகர்களிடம் நல்ல வரவேற்பை பெற்று வருகிறது. ‘ஜோ’ படத்தின் வெற்றியை தொடர்ந்து இப்படமும் வெற்றியடையும் என எதிர்பார்க்கப்படுகிறது.
