மிஷ்கின் இயக்கத்தில் நடிக்கிறாரா நடிகை கீர்த்தி சுரேஷ்? வெளியான புது தகவல்!

நடிகை கீர்த்தி சுரேஷ் தென்னிந்திய சினிமாவில் பிஸியாக நடித்து வருகிறார். தற்போது பெண் முதன்மை கதாபாத்திரம் கொண்ட படங்களை அதிகம் தேர்வு செய்து நடித்து வருவது குறிப்பிடத்தக்கது. தற்போது அவருடைய ரிவால்வர் ரீட்டா படம் வெளியீட்டிற்கு தயாராகி இருந்தாலும், சில காரணங்களால் அதன் ரிலீஸ் தள்ளிப்போயுள்ளது.

இதற்குப் பிறகு, ட்ரம் ஸ்டிக் நிறுவனம் தயாரிக்கும் புதிய படத்தில் கீர்த்தி சுரேஷ் நாயகியாக நடிக்கவுள்ளார் என்று தகவல் வெளியாகியுள்ளது. இந்தப்படத்தை இயக்குனர் மிஷ்கின் இயக்குகிறார் என்ற தகவல் வெளியாகியுள்ளது.

இப்படத்துக்கான முன் தயாரிப்பு பணிகள் தற்போது நடைபெற்று வருகிறது. ஏற்கனவே மிஷ்கின் இயக்கிய டிரெயின் மற்றும் பிசாசு 2 ஆகிய இரண்டு படங்களும் ரிலீசுக்குத் தயாராக இருந்தபோதிலும், சில காரணங்களால் தாமதமடைந்துள்ளன என்பதும் குறிப்பிடத்தக்கது.