பிரபல பாலிவுட் நடிகை ஜான்வி கபூர், சமீபத்தில் தென்னிந்திய சினிமாவில் அறிமுகமானார். அவர் ஜூனியர் என்.டி.ஆர் நடித்த ‘தேவரா பாகம் 1’ திரைப்படத்தில் கதாநாயகியாக நடித்து பெரும் வரவேற்பைப் பெற்றார். இந்தப்படத்தின் வெற்றிக்குப் பிறகு, ஜான்வி கபூர் பல புதிய திரைப்படங்களில் ஒப்பந்தமாகியுள்ளார். அவற்றில் ஒன்றாக ‘சன்னி சங்கரி கி துளசி குமாரி’ திரைப்படம் உள்ளது.
வருண் தவான் கதாநாயகனாக நடிக்கும் இந்த படத்தை கரண் ஜோஹர் தயாரிக்க, ஷஷாங்க் கைதான் இயக்குகிறார். ஜான்வி கபூர் மற்றும் வருண் தவான் முதல் முறையாக ஒரு படத்தில் இணைவது இதுவே. இதுவரை, இப்படம் வரும் ஏப்ரல் 18ஆம் தேதி திரைக்கு வரும் என்று அறிவிக்கப்பட்டிருந்த நிலையில், தற்போது இதன் வெளியீடு தள்ளிப்போவதாக தகவல்கள் வெளியாகியுள்ளன.
படப்பிடிப்பில் ஏற்பட்ட தாமதம் காரணமாக, படக்குழு இந்தப்படத்தின் வெளியீட்டை பின்னோக்கி மாற்ற முடிவெடுத்திருப்பதாக கூறப்படுகிறது. அதேசமயம், ஜான்வி கபூர் தற்போது ராம் சரணுக்கு ஜோடியாக ஒரு புதிய படத்தில் நடித்து வருகிறார். புச்சி பாபு சனா இயக்கும் இந்த திரைப்படத்திற்கு பிரபல இசையமைப்பாளர் ஏ.ஆர். ரகுமான் இசையமைக்கிறார்.
