தனுஷின் பிறந்தநாளுக்கு வாழ்த்து தெரிவித்து குபேரா படத்தின் புதிய போஸ்டர் வெளியிட்ட படக்குழு! #KUBERA

நடிகர் தனுஷ் இயக்கி, நடித்த ராயன் திரைப்படம் திரையரங்குகளில் வெளியாகி ரசிகர்களிடம் வரவேற்ப்பை பெற்று வருகிறது. இதனை தொடர்ந்து , தனுஷின் 51வது படத்தை இயக்குனர் சேகர் கமூலா இயக்கி வருகிறார். இதில் நாகர்ஜுனா முக்கிய கதாபாத்திரத்திலும் நாயகியாக ராஷ்மிகாவும் நடிக்கின்றனர். தேவி ஸ்ரீ பிரசாத் இசையமைக்கிறார்.பான் இந்தியப் படமாக உருவாகும் இப்படத்திற்குக் குபேரா என பெயரிடப்பட்டுள்ளது.

இதன் படப்பிடிப்பு திருப்பதி, தாய்லாந்து, மும்பை பகுதிகளில் நடைபெற்று முடிந்தது. தற்போது, ஹைதராபாத்தில், தனுஷின் சண்டைக்காட்சிகள் எடுக்கப்பட்டு வருகின்றன என தகவல்கள் தெரிவிக்கின்றன.

விரைவில், படப்பிடிப்பு நிறைவடையும் எனத் தெரிகிறது.இந்நிலையில், இன்று நடிகர் தனுஷின் பிறந்த நாளை முன்னிட்டு குபேரா படக்குழு புதிய போஸ்டரை பகிர்ந்துள்ளது.