தென்னிந்திய சினிமாவில் பிஸியான நடிகையாக வலம் வருகிறார் பிரியங்கா மோகன். கர்நாடகாவில் பிறந்து வளர்ந்த இவர் பள்ளி, கல்லூரி என அனைத்து படிப்புகளும் பெங்களூரில் முடிந்தது. கல்லூரியில் படிக்கும்போதே நடிகையாக வேண்டும் என ஆசைப்பட்டார். முதல் படமாக அவர் கன்னட திரைப்படத்தில் நடித்தார்.
பின்னர் நெல்சன் இயக்கத்தில் ‘டாக்டர்’ படத்தில் நடிக்கும் வாய்ப்பு கிடைத்தது. சிவகார்த்திகேயன் வித்தியாசமாக நடித்த இந்த படத்தில் பிரியங்கா மோகன் அவருக்கு ஜோடியாக நடித்தார். இந்த படம் சூப்பர் ஹிட்டடிக்கவே, அவர் ராசியான நடிகையாக மாறினார். பின்னர் சூர்யா நடிப்பில் ‘எதற்கும் துணிந்தவன்’ படத்தில் நடித்தார். அதன்பின் மீண்டும் சிவகார்த்திகேயனுடன் இணைந்து ‘டான்’ படத்தில் நடித்தார். இந்த படம் வெற்றி பெற்றது. அதன்பின் தனுஷ் நடிப்பில் ‘கேப்டன் மில்லர்’ படத்தில் நடித்தார்.
சில தெலுங்கு படங்களிலும், ஜெயம் ரவி ஹீரோவாக நடித்திருக்கும் ‘பிரதர்’ என்கிற படத்திலும் நடித்து வருகிறார். அவ்வப்போது அழகான உடைகளில் தனது அழகை காட்டி புகைப்படங்களை வெளியிட்டு வருகிறார். இந்நிலையில், பிரியங்கா மோகனின் புதிய புகைப்படங்கள் இணையத்தில் வைரலாகி வருகிறது.
