நடிகர் யாஷ், பிரசாந்த் நீல் இயக்கத்தில் வெளியான கே.ஜி.எப் 1 மற்றும் கே.ஜி.எப் 2 படங்களின் மூலம் இந்திய அளவில் பிரபலமானார். இந்த படங்கள் ரசிகர்களை கவர்ந்து பெரும் வசூலை பெற்றன. இதனைத் தொடர்ந்து, யாஷ் தனது 19-வது படமான “டாக்ஸிக்” படத்தில் நடித்து வருகிறார். இந்த படத்தை பிரபல நடிகை மற்றும் இயக்குநர் கீது மோகன் தாஸ் இயக்குகிறார். படத்தின் படப்பிடிப்புகள் கர்நாடகா போன்ற பகுதிகளில் பரபரப்பாக நடைபெற்று வருகின்றன. மேலும், படம் 2025 ஏப்ரல் மாதத்தில் வெளியிடப்படும் என்று அறிவிக்கப்பட்டுள்ளது. கேவிஎன் புரோடக்சன்ஸ் இப்படத்தை தயாரிக்கின்றது.
இதில் கியாரா அத்வானி, ஹுமா குரேஷி, நயன்தாரா உள்ளிட்ட பலர் நடிக்கின்றனர். பெங்களூருவில் பிரம்மாண்டமான செட்டில் படப்பிடிப்பு நடைபெற்று வருகிறது, இதில் யாஷ் பங்கேற்ற காட்சி ஒன்று சமூக வலைதளங்களில் கசிந்துள்ளது. இதனால் படக்குழுவுக்கு அதிர்ச்சி ஏற்பட்டுள்ளது. அந்தப் புகைப்படத்தில் யாஷ் அருகில் நிற்கும் பெண் ஹுமா குரேஷி என்று கூறப்படுகிறது.
படப்பிடிப்பு மிகவும் கட்டுப்பாட்டுடன் நடந்தாலும், புகைப்படம் கசிந்தது குறித்து படக்குழு விசாரணை நடத்தி வருகின்றது. மேலும், படப்பிடிப்பு இடத்தில் குறைவான ஆட்களை மட்டுமே பயன்படுத்தவும், செல்போன்களை கொண்டு செல்லக்கூடாது என்று கட்டுப்பாடுகள் விதிக்கப் பட்டுள்ளன.
