நடிகர் விஜய், வெங்கட் பிரபு இயக்கும் ‘தி கிரேட்டஸ்ட் ஆப் ஆல் டைம்’ (கோட்) படத்தில் நடித்துள்ளார். இதில் அவர் அப்பா – மகன் என இரட்டை வேடத்தில் நடித்துள்ளார். இப்படம் ரசிகர்களிடம் மிகுந்த எதிர்பார்ப்பை ஏற்படுத்தி உள்ளது. படத்தின் படப்பிடிப்பு முடிவடைந்து, தற்போது முழுவீச்சில் கிராபிக்ஸ் மற்றும் தொழில்நுட்ப பணிகள் நடைபெற்று வருகிறது. கோட் படத்தின் டிரைலர் நாளை மாலை 5 மணிக்கு வெளியிடப்படும் என்று படக்குழு அறிவித்துள்ளது. மேலும், கோட் படம் செப்டம்பர் 5ம் தேதி திரைக்கு வரும் என்று அறிவிக்கப்பட்டுள்ளது.
அடுத்ததாக, நடிகர் விஜய் ‘தளபதி 69’ படத்தில் நடிக்க உள்ளார். இதுவே விஜய்யின் கடைசி படமாகும். இதற்குப் பிறகு, அவர் சினிமாவை விட்டு விலகி முழு நேர அரசியலில் கவனம் செலுத்த இருக்கிறார்.
இந்நிலையில், ‘தளபதி 69’ படத்தை நான் தான் இயக்குகிறேன் என்று ஒரு நிகழ்ச்சியில் இயக்குனர் எச்.வினோத் தெரிவித்துள்ளார். மேலும், இது அரசியல் படம் அல்ல; ஒரு கமர்ஷியல் படம் தான் எந்தவிதத்திலும் யாரையும் தாக்காத வண்ணம் அனைவரும் ரசிக்க கூடிய படமாக இருக்குமென கூறியுள்ளார்.
