நடிகர்கள் ஆர்யா மற்றும் கவுதம் கார்த்திக் இணைந்து நடிக்கும் மிஸ்டர் X படத்தை பிரின்ஸ் நிறுவனம் தயாரிக்கிறது. இந்த படத்தை விஷ்ணு விஷாலின் எப்.ஐ.ஆர் படத்தை இயக்கிய மனு ஆனந்த் இயக்குகிறார்.
ஆக்ஷன் திரில்லர் வகையில் உருவாகி வரும் இந்த படத்தில் ஆர்யா கதாநாயகனாக நடிக்க, கவுதம் கார்த்திக் வில்லனாக நடிக்கிறார். சரத்குமார், மஞ்சு வாரியார் உள்ளிட்டோர் முக்கிய வேடங்களில் நடிக்கின்றனர். திபு நிபுணன் தாமஸ் இசையமைக்க, தன்வீர் மிர் ஒளிப்பதிவு செய்கிறார்.
இந்த படத்தின் படப்பிடிப்பு உகாண்டா மற்றும் செர்பியா உள்ளிட்ட நாடுகளில் நடந்துள்ளது. படத்திற்காக ஆர்யா கடுமையான உடற்பயிற்சி செய்து, அவரது புகைப்படங்கள் வெளியிடப்பட்டன. ஆர்யாவின் காட்சிகள் ஏற்கனவே படமாக்கப்பட்டுள்ள நிலையில், மீதமுள்ள காட்சிகள் தற்போது படமாக்கப்பட்டு வருகின்றன. இடையில் படத்தின் மோஷன் போஸ்டர் வெளியிடப்பட்டது.படத்தின் படப்பிடிப்பு தற்போது முழுமையாக முடிந்துவிட்டது. கடைசி நாள் படப்பிடிப்பின் போது படக்குழு கேக் வெட்டி கொண்டாடிய புகைப்படங்கள் தற்போது வெளியாகியுள்ளது. படத்தின் அடுத்தடுத்த அப்டேட்கள் விரைவில் வெளியாகும் என்று தெரிகிறது.
