இயக்குநர் அமீர் இயக்கத்தில், சூர்யா நடித்த ‘மௌனம் பேசியதே’ திரைப்படம் மூலம் தமிழ் சினிமாவில் கதாநாயகியாக அறிமுகமானவர் திரிஷா. அதன் பிறகு, ‘சாமி’, ‘கில்லி’, ‘ஆறு’ போன்ற வெற்றிப்படங்களில் நடித்ததன் மூலம் முன்னணி நடிகையாக உயர்ந்தார்.’பொன்னியின் செல்வன்’, ‘லியோ’ போன்ற திரைப்படங்களில் திரிஷாவின் நடிப்பும் பாராட்டைப் பெற்றது.
தற்போது அஜித் நடித்திருக்கும் ‘குட் பேட் அக்லி’ திரைப்படத்தில் திரிஷாவும் முக்கியமான கதாபாத்திரத்தில் நடித்துள்ளார். நேற்று வெளியாகிய இப்படம் ரசிகர்களிடையே மிகப்பெரிய வரவேற்பைப் பெற்று வருகிறது.இந்நிலையில், சமூக ஊடகங்களில் அவதூறு பரப்பும் நபர்களை கண்டித்து, நடிகை திரிஷா தனது சமூக வலைதளத்தில் கடுமையான பதவியை பகிர்ந்துள்ளார்.
அதில், “சமூக ஊடகங்களில் உட்கார்ந்து கொண்டு, மற்றவர்களைப் பற்றிய முட்டாள்தனமான கருத்துக்களைப் பதிவிடும் நச்சுத் தன்மை கொண்ட மக்களே, நீங்கள் வாழ்க்கையை எப்படி நடத்துகிறீர்கள்? நன்றாக தூங்குகிறீர்களா? உண்மையில் நீங்கள் பெயர் தெரியாத கோழைகள். உங்களை கடவுள் ஆசீர்வதிப்பார்,” என தெரிவித்திருக்கிறார்.
