தென்னிந்திய சினிமாவின் முன்னணி நடிகரான சூர்யா தற்போது ஆர்.ஜே. பாலாஜி இயக்கத்தில், டிரீம் வாரியர் பிக்சர்ஸ் நிறுவனம் தயாரிக்கும் ‘கருப்பு’ எனும் திரைப்படத்தில் நடித்து வருகிறார்.இந்த படத்தில் கதாநாயகியாக திரிஷா நடிக்கிறார். மேலும், சுவாசிகா, இந்திரன்ஸ், யோகி பாபு, ஷிவாதா, சுப்ரீத் ரெட்டி, அனகா மாயா ரவி மற்றும் நட்டி நட்ராஜ் உள்ளிட்டோர் முக்கிய கதாபாத்திரங்களில் நடித்துவருகின்றனர்.
இத்திரைப்படத்திற்கு இசையமைப்பாளராக சாய் அபயங்கர் பணியாற்றுகிறார். சூர்யா, இந்த படத்தில் ஒரு வழக்கறிஞராக நடித்துள்ளதாகத் தகவல் வெளியாகியுள்ளது. நீதிமன்றம் மற்றும் வழக்குகளை மையமாகக் கொண்டு கதை அமைக்கப்பட்டிருப்பதால், இப்படத்தின் மீதான எதிர்பார்ப்பு அதிகரித்துள்ளது. இந்நிலையில், இயக்குநர் ஆர்.ஜே. பாலாஜி தனது எக்ஸ் தளத்தில் ‘கருப்பு’ படத்தின் முக்கியமான அப்டேட் விரைவில் வெளியாகும் என அறிவித்துள்ளார்.
அந்த அப்டேட் ‘கருப்பு’ படத்தின் டீசராக இருக்கும் என எதிர்பார்க்கப்படுகிறது. மேலும், சமீபத்திய பேட்டி ஒன்றில் இசையமைப்பாளர் சாய் அபயங்கர், ‘கருப்பு’ திரைப்படத்தின் டீசர், நடிகர் சூர்யாவின் பிறந்த நாளான ஜூலை 23ஆம் தேதி வெளியாகும் என கூறியிருந்தது குறிப்பிடத்தக்கது.
