சூர்யா நடித்த “கங்குவா” திரைப்படம் திரைக்கு வந்தபோது எதிர்மறையான விமர்சனங்களை சந்தித்ததைத் தொடர்ந்து, அவர் நடித்துள்ள 44வது திரைப்படம், கார்த்திக் சுப்பராஜ் இயக்கத்தில், அடுத்த ஆண்டு கோடை விடுமுறையில் வெளியாக உள்ளது.
இந்த படத்தில் சூர்யாவுடன் பூஜா ஹெக்டே, ஜோஜு ஜார்ஜ், கருணாகரன் மற்றும் ஜெயராம் உள்ளிட்ட பலர் முக்கிய கதாபாத்திரங்களில் நடித்துள்ளனர். இந்த படத்திற்கு இசையமைப்பாளர் சந்தோஷ் நாராயணன் இசை அமைத்துள்ளார்.
இந்த நிலையில், சூர்யாவின் 44வது படம் குறித்து இயக்குனர் கார்த்திக் சுப்பராஜ் தகவல் வெளியிட்டுள்ளார். அவர் கூறியதாவது: “டிசம்பர் மாதத்தில் இருந்து இப்படத்தின் புரமோஷன் நிகழ்ச்சிகள் தொடங்கும். அடுத்த ஆண்டு கோடை விடுமுறையில் இந்த படம் திரைக்கு வரும். அதோடு, சூர்யா ஒரு மிகச்சிறந்த நடிகர். அவருடன் இணைந்து இந்த படத்தில் பணியாற்றிய அனுபவம் எனக்கு பெருமையாக இருந்தது,” என்று அவர் தெரிவித்தார்.
