நடிகர் சூர்யா நடித்துள்ள 44-வது படமான ‘ரெட்ரோ’ என்ற திரைப்படத்தை இயக்குனர் கார்த்திக் சுப்பராஜ் இயக்கியுள்ளார். இந்த திரைப்படத்தில் நாயகியாக பூஜா ஹெக்டே நடித்துள்ளார்.
இந்த படத்தை நடிகர் சூர்யாவின் 2டி நிறுவனம் மற்றும் இயக்குனர்கார்த்திக் சுப்பராஜின் ஸ்டோன் பெஞ்ச் நிறுவனம் இணைந்து தயாரித்துள்ளன. இப்படத்திற்கு இசையமைப்பாளர் சந்தோஷ் நாராயணன் இசை அமைத்துள்ளார். ‘ரெட்ரோ’ திரைப்படம் மே மாதம் 1ஆம் தேதி வெளியாகும் என அறிவிக்கப்பட்டுள்ளது.
இந்த படத்திற்கான டப்பிங் பணிகளை நடிகர் சூர்யா முழுமையாக முடித்துள்ளார். இது குறித்து இயக்குனர் கார்த்திக் சுப்பராஜ் சமீபத்தில் அதிகாரப்பூர்வமாக தகவல் வெளியிட்டார். இதைத் தொடர்ந்து, இந்த படத்தின் இசை வெளியீட்டு விழா ஏப்ரல் 18ஆம் தேதி சென்னை ஜவஹர்லால் நேரு உள்விளையாட்டு அரங்கில் நடைபெற உள்ளதாக தகவல்கள் வெளியாகியுள்ளன. ரெட்ரோ படத்தின் கண்ணாடி பூவே மற்றும் கனிமா என்ற பாடல்கள் பெரும் வரவேற்பைப் பெற்று வைரலானது குறிப்பிடத்தக்கது.
