நடிகர் ரஜினிகாந்த் மற்றும் இயக்குநர் லோகேஷ் கனகராஜ் இணைந்து உருவாக்கிய படம் ‛கூலி’. இப்படத்திற்கு அனிருத் இசையமைத்துள்ளார். இதில் அமீர் கான், சத்யராஜ், நாகார்ஜுனா, சவுபின் ஷாஹிர், ஸ்ருதிஹாசன், ரெபா மோனிகா ஜான் மற்றும் உபேந்திரா உள்ளிட்ட பலர் முக்கிய கதாபாத்திரங்களில் நடித்துள்ளனர்.
தற்போது உலகம் முழுவதும் ‛கூலி’ வெளியிடப்பட்டு, ரசிகர்களிடையே மிகப்பெரிய வரவேற்பைப் பெற்று வருகிறது. தமிழ்நாட்டில் இந்த வார இறுதிவரை அனைத்து திரையரங்குகளும் ஹவுஸ் ஃபுல் ஆகிவிட்டது. மேலும், அமெரிக்காவில் மிகக் குறுகிய காலத்தில் 3 மில்லியன் டாலர் வசூல் செய்த முதல் தமிழ் திரைப்படம் என்ற பெருமையை ‛கூலி’ பெற்றுள்ளது. இதுவே அல்லாமல், உலகளவில் முதல் நாளிலேயே அதிக வசூல் செய்த தமிழ் திரைப்படம் என்ற வரலாற்றையும் படைத்துள்ளது.
முந்தையதாக 140 கோடி ரூபாய் வசூலித்த ‛லியோ’ திரைப்படத்தின் சாதனையை ‛கூலி’ முந்தியிருப்பதும் குறிப்பிடத்தக்கது. படத்தின் இரண்டாம் நாள் வசூல் விவரங்கள் வெளியாகியுள்ளது. அதன்படி திரைப்படம் தமிழ்நாட்டில் 53.5 கோடி ரூபாய் வசூலித்துள்ளது. சென்னையில் உள்ள 96.5 சதவீத திரையரங்குகளில் இன்று ஹவுஸ் ஃபுல் என்பது குறிப்பிடத்தக்கது.
