நடிகர் விஜய் தற்போது தனது அடுத்த படமான தளபதி 69 படத்தில் நடித்து வருகிறார். சென்னையில் இந்த படத்தின் படப்பிடிப்பு சில நாட்களுக்கு முன்பு துவங்கி தற்போது தீவிரமாக நடைபெற்று வருகிறது. இந்த படப்பிடிப்பு டிசம்பர் மாதம் வரை தொடர்ந்து நடைபெறும் என கூறப்படுகிறது. ஒரே நேரத்தில் விஜய் அரசியலிலும் தீவிரமாக ஈடுபட ஆரம்பித்துள்ளார்.
இப்போது தளபதி 69 படத்தின் 2வது கட்ட படப்பிடிப்பு சென்னையில் நடைபெற்று வருகிறது. இதில் விஜய் மற்றும் பூஜா ஹெக்டே இணைந்து நடித்த காட்சிகளை இயக்குநர் ஹெச் வினோத் இயக்கி வருகிறார். இதற்காக கடந்த வாரம் பூஜா ஹெக்டே விமானம் மூலம் சென்னைக்கு வந்திருந்தார். அவரது வருகையைப் பற்றிய வீடியோக்கள் வெளியாகி ரசிகர்களின் கவனத்தை ஈர்த்தன.
இந்நிலையில், விஜய்யின் தாயாரும் பாடகியுமான ஷோபா சந்திரசேகர், அவள் விருது வழங்கும் விழாவில் பங்கேற்று, விஜய்யின் வளர்ச்சி குறித்து பெருமிதத்துடன் பேசினார். ஷோபா சந்திரசேகர், முதலில் விஜய்யை டாக்டராக்க நினைத்தோம் நாங்கள் டாக்டர் டாக்டர் என்று சொன்னோம், ஆனால் அவர் ஆக்டர் ஆக்டர் என்று சொல்லி விஜய் நடிகராகி விட்டார். தற்போது அவர் ஒரு புதிய பரிணாமத்தை எட்டியுள்ளார் என்று கூறிய அவர் மகிழ்ச்சியையும் உற்சாகத்தையும் பகிர்ந்துகொண்டார். சிறு வயதிலிருந்து விஜய் எதை நினைத்தாரோ அதைச் செய்வார், எண்ணியதை சாதித்தே தீருவார் என்பதே அவரின் தனிச்சிறப்பு எனவும் ஷோபா சந்திரசேகர் தெரிவித்தார்.
