விஜய் சேதுபதி மற்றும் நித்யா மேனன் நடிப்பில் அண்மையில் வெளியான “தலைவன் தலைவி” திரைப்படம், மக்களிடையே மிகச்சிறந்த வரவேற்பைப் பெற்றுள்ளது. இந்தப் படத்தை இயக்குனர் பாண்டிராஜ் இயக்கியிருந்தார். இப்படம் வெளியாகிய முதல் ஆறு நாட்களில் ரூ.50 கோடிக்கு மேல் வசூல் செய்துள்ளதாக, தயாரிப்பு நிறுவனம் அதிகாரப்பூர்வமாக அறிவித்துள்ளது.
மேலும், விஜய் சேதுபதி அடுத்ததாக “முத்து என்கிற காட்டான்” என்ற ஒரு வெப் தொடரில் நடித்துள்ளார். இந்த தொடரை “காக்கா முட்டை” மற்றும் “கடைசி விவசாயி” போன்ற சிறந்த படைப்புகளை உருவாக்கிய மணிகண்டன் இயக்கியுள்ளார். இந்த வெப் தொடரை விஜய் சேதுபதி தயாரித்துள்ளார் என்பதும் குறிப்பிடத்தக்கது.
இந்த தொடரில் விஜய் சேதுபதி மற்றும் ஜாக்கி ஷெராப் முக்கிய கதாப்பாத்திரங்களில் நடித்துள்ளனர். இந்த வெப் தொடர் விரைவில் ஜியோ ஹாட்ஸ்டார் ஓடிடி தளத்தில் வெளியாகவுள்ளதாக தகவல் வெளியாகியுள்ளது.
