போகுமிடம் வெகுதூரமில்லை படக்குழுவினரை நேரில் பாராட்டி வாழ்த்திய விஜய்சேதுபதி!

தமிழ் சினிமாவின் வழக்கமான கமர்ஷியல் படங்களிலிருந்து விலகி, வாழ்க்கை அனுபவங்களைக் கூறும் ஒரு அழகான படைப்பாக மனதில் புன்னகை வரவழைக்கும் வகையில் உருவாக்கப்பட்ட படம் போகுமிடம் வெகுதூரமில்லை திரைப்படம். இப்படம் 2024 ஆகஸ்ட் 23 அன்று திரையரங்குகளில் வெளியானது. இப்படம் விமர்சகர்களும் ரசிகர்களும் பாராட்டியுள்ளதுடன், அக்டோபர் 8 அன்று அமேசான் ப்ரைம் தளத்தில் வெளியாகி மேலும் பார்வையாளர்களை கவர்ந்துள்ளது.

தமிழில் மட்டுமல்லாது தெலுங்கு, இந்தி மொழி பார்வையாளர்களிடமும் இப்படம் பெரும் வரவேற்பைப் பெற்றுள்ளது. மக்கள் செல்வன் விஜய் சேதுபதி படக்குழுவினரை நேரில் சந்தித்து, இப்படம் குறித்து உரையாடி, விமலின் நடிப்பை பாராட்டி தனது வாழ்த்துக்களை தெரிவித்தார். இப்படம் பெற்றுள்ள பாராட்டுகள் மற்றும் வரவேற்பு படக்குழுவினருக்கு மிகுந்த உற்சாகத்தை அளித்துள்ளது.