புன்னகையுடன் ரசிகர்களை சந்தித்த விஜய்… தளபதி 69 படப்பிடிப்பு தளத்துக்கு வெளியே ரசிகர்கள் செய்த ஆரவாரம்! #Thalapathy69

தமிழ் சினிமாவின் முன்னணி நடிகரான விஜய்யின் நடிப்பில் சமீபத்தில் வெளியான ‘தி கிரேட்டஸ்ட் ஆஃப் ஆல் டைம்’ திரைப்படம் ரசிகர்களிடையே மிகுந்த வரவேற்பைப் பெற்றது. இதைத் தொடர்ந்து, விஜய் தனது அரசியல் கட்சியின் முதல் மாநில மாநாடு மற்றும் கட்சியின் பல முக்கிய கூட்டங்களில் பங்கேற்று வருகிறார்.

இதே நேரத்தில், இயக்குநர் எச். வினோத் இயக்கும் ‘தளபதி 69’ படத்தில் விஜய் நடித்து வருகிறார். இப்படத்தின் பூஜை தொடர்பான புகைப்படங்கள் மற்றும் வீடியோக்கள் சில வாரங்களுக்கு முன்பு அதிகாரப்பூர்வமாக வெளியிடப்பட்டன.

இப்படத்தில் விஜயுடன் பாபி தியோல், பூஜா ஹெக்டே, மமிதா பைஜு உள்ளிட்ட முன்னணி நடிகர்கள் இணைந்து நடித்துள்ளனர். மேலும், படப்பிடிப்பு நடந்து கொண்டிருக்கும் போது ரசிகர்களால் எடுக்கப்பட்ட ஒரு வீடியோ காட்சி சமூக வலைத்தளங்களில் வைரலாகி வருகிறது.