‘சூது கவ்வும்’, ‘இன்று நேற்று நாளை’ போன்ற திரைப்படங்களில் எடிட்டராக பணியாற்றிய லியோ ஜான் பால், தற்போது இயக்குநராக தனது முதல் படத்தை இயக்கி வருகிறார். அவர் இயக்கும் படம் ‘மார்கன்’. இதில் விஜய் ஆண்டனி கதாநாயகனாக நடித்துள்ளார். மேலும், சமுத்திரக்கனி, மகாநதி சங்கர், பிரித்திகா, வினோத் சாகர், பிரிகிதா, தீப்ஷிகா, அர்ச்சனா ஆகியோர் முக்கிய கதாபாத்திரங்களில் நடித்துள்ளனர். இதில், விஜய் ஆண்டனியின் சித்தப்பாவின் மகனான அஜய் திஷான் வில்லனாக அறிமுகமாகிறார்.
இந்த படம் குடும்ப ரசிகர்கள் விரும்பும் வகையில், பரபரப்பு மற்றும் மர்மம் கலந்த குற்றவியல் த்ரில்லராக உருவாகியுள்ளது. இப்படத்தின் படப்பிடிப்பு முடிவடைந்து, பிற பணிகள் நடைபெற்று வருகின்றன.
இதற்கிடையில், இப்படம் ஜூன் 27ம் தேதி திரைக்கு வரும் என படக்குழு அறிவித்துள்ளது. இதை விஜய் ஆண்டனியே தயாரித்துள்ளதுடன், இப்படத்திற்கு அவரே இசையமைக்கிறார்.
