அக்னி என்டர்டெயின்மென்ட் நிறுவனம் சார்பில் பிரகாஷ் மோகன் தாஸ் தயாரிக்க, அறிமுக இயக்குநர் கிருஷ்ணா சங்கர் இயக்கியுள்ள திரைப்படம் தான் ‘தி வெர்டிக்ட்’. இதில் வரலட்சுமி சரத்குமார், ஸ்ருதி ஹரிஹரன், சுகாசினி, வித்யுலேகா ராமன் மற்றும் பிரகாஷ் மோகன் தாஸ் உள்ளிட்ட பலர் நடித்துள்ளனர். இப்படம் கொலை மற்றும் அதனைச் சுற்றியுள்ள புலனாய்வு கதையாக உருவாகியுள்ளது.
சமீபத்தில் இப்படத்தின் முதல் லுக் போஸ்டரை சத்யராஜ் வெளியிட்டார். இதையடுத்து இப்படம் குறித்து இயக்குநர் கிருஷ்ணா சங்கர் கூறும்போது, “இந்த திரைப்படம் முழுவதும் அமெரிக்காவில் படமாக்கப்பட்டது. மர்மமான ஒரு கொலை மிஸ்டரி திரில்லர் கதைக்களத்தில் இது உருவாகியுள்ளது. பார்வையாளர்களுக்கு புதுமையான திரை அனுபவத்தை தரும்” என கூறினார்.
இந்தப் படத்தில் நடிகை வரலட்சுமி சரத்குமார் ஒரு வழக்கறிஞராக நடித்துள்ளார். கிரைம் இன்வெஸ்டிகேஷன் பாணியில் உருவாகியுள்ள ‘தி வெர்டிக்ட்’ திரைப்படம் மே 30ஆம் தேதி வெளியாகும் என அறிவிக்கப்பட்டுள்ளது. மேலும், இப்படத்தின் டிரெய்லர் வெளியானதும், ரசிகர்களிடையே எதிர்பார்ப்பு மேலும் அதிகரித்துள்ளது.
