‘கோமாளி’ படத்தின் மூலம் இயக்குநராக அறிமுகமான பிரதீப் ரங்கநாதன், சமீபத்தில் தனது நடிப்பில் வெளியான ‘டிராகன்’ படத்தின் மூலம் ரசிகர்களிடையே மிகப்பெரிய வரவேற்பைப் பெற்றார். அதனைத் தொடர்ந்து, விக்னேஷ் சிவன் இயக்கத்தில் உருவாகியுள்ள ‘லவ் இன்சூரன்ஸ் கம்பெனி’ திரைப்படத்தில் நடித்துள்ளார். இப்படம் டிசம்பர் 18ஆம் தேதி வெளியாகிறது.
அதுமட்டுமன்றி, கீர்த்திஸ்வரன் இயக்கத்தில் ‘டியூட்’ என்ற திரைப்படத்திலும் நடித்துள்ளார். மைத்ரீ மூவி மேக்கர்ஸ் தயாரிக்கும் இத்திரைப்படத்தில் மமிதா பைஜு நாயகியாக நடித்துள்ளார். இசையமைப்பாளர் சாய் அபயங்கர் இசையமைத்துள்ள இப்படத்தில் சரத் குமார் முக்கிய கதாபாத்திரத்தில் நடித்துள்ளார். முழுமையாக காமெடி கலந்த பொழுதுபோக்கு திரைப்படமாக உருவாகியுள்ள ‘டியூட்’ வரும் 17ஆம் தேதி தீபாவளி வெளியீடாக திரைக்கு வருகிறது.
இப்படத்திலிருந்து “ஊரும் பிளட்” பாடல் வெளியாகி இணையத்தில் வைரலானது. இதனையடுத்து, ‘டியூட்’ திரைப்படத்தின் டிரெய்லரை வரும் 9ஆம் தேதி வெளியிடப்படுவதாக தயாரிப்பு நிறுவனம் அதிகாரப்பூர்வமாக அறிவித்துள்ளது.
