2024ஆம் ஆண்டு ஏப்ரல் மாதத்தில் வெளியான ‘ஒரு நொடி’ திரைப்படத்தில், கதாநாயகனாக தமன் குமார் நடித்திருந்தார். அவருடன் இணைந்து வேல ராமமூர்த்தி, எம். எஸ். பாஸ்கர், தீபா சங்கர் உள்ளிட்ட பலர் முக்கியமான கதாப்பாத்திரங்களில் நடித்தனர். மணிவர்மன் இயக்கத்தில் உருவான இந்த குற்றத் திரில்லர் படம் ரசிகர்களிடையே நல்ல வரவேற்பைப் பெற்றது.
இந்த வெற்றியைத் தொடர்ந்து இயக்குநர் மணிவர்மனும் நடிகர் தமன் குமாரும் மீண்டும் ஒரு புதிய முயற்சியில் இணைய்ந்துள்ளனர். ‘ஜென்ம நட்சத்திரம்’ என்ற தலைப்பில் உருவாகும் இந்த புதிய திரைப்படத்தில் தமன் குமாருக்கு ஜோடியாக மால்வி மால்கோத்ரா நடித்துள்ளார். இவர்களுடன் காளி வெங்கட், முனீஷ்காந்த், தலைவாசல் விஜய், வேல ராமமூர்த்தி மற்றும் பலரும் இணைந்து நடித்துள்ளனர்.
இந்த படத்தை அமோகம் ஸ்டுடியோஸ் நிறுவனம் தயாரித்துள்ளது. ஹாரர் உணர்வுகளை மையமாகக் கொண்ட கதைக்களத்தில் உருவாகும் இப்படத்தின் பர்ஸ்ட் லுக் போஸ்டர் மற்றும் டீசர் வெளியாகி, ரசிகர்களிடம் நல்ல வரவேற்பைப் பெற்று, சமூக வலைதளங்களில் பரவி வைரலானது. தற்போது, இப்படம் வரும் ஜூலை 18ஆம் தேதி திரையரங்குகளில் வெளிவரவுள்ளது. இதற்கான டிரெய்லரை படக்குழு சமீபத்தில் வெளியிட்டுள்ளது, இது ரசிகர்களின் கவனத்தை பெரிதும் ஈர்த்துவருகிறது.
