பிக்பாஸ் பிரபலம் தர்ஷன் நடித்துள்ள ‘சரண்டர்’ பட ட்ரெய்லர் வெளியீடு!

‘சரண்டர்’ ஒரு கிரைம்-ஆக்சன் மற்றும் உணர்வுப் பூர்வமான திரில்லர் திரைப்படம். இந்த படத்தை விக்டர் குமார் தயாரித்துள்ளார். 

கதாநாயகனாக பிக்பாஸ் பிரபலம் தர்ஷன் நடித்துள்ளார். இப்படத்தை இயக்கியுள்ளவர் கவுதமன் கணபதி. இவர் முன்னதாக பிரபல இயக்குநர் அறிவழகனுடன் துணை இயக்குநராக பணியாற்றியுள்ளார் என்பது குறிப்பிடத்தக்கது.

இந்த படத்தில் தர்ஷன் ஒரு போலீஸ் அதிகாரியாக நடித்துள்ளார். இவருடன் லால், சுஜித் சங்கர், முனிஷ்காந்த், மன்சூர் அலிகான், பதினே குமார் உள்ளிட்ட பல திறமையான நடிகர்கள் முக்கியக் கதாபாத்திரங்களில் நடித்துள்ளனர்.இந்த படம் வருகிற ஆகஸ்ட் 1ஆம் தேதி வெளியாகும் என படக்குழு அதிகாரப்பூர்வமாக அறிவித்துள்ளது. இப்படத்தின் டிரெய்லர் வெளியாகி உள்ளது. அந்த டிரெய்லர் ரசிகர்களிடையே எதிர்பார்ப்புகளை அதிகரிக்க செய்துள்ளது.