தெலுங்கு திரைப்பட உலகின் முன்னணி நடிகரான ராம் சரண், இயக்குநர் ஷங்கர் இயக்கத்தில் உருவாகியுள்ள “கேம் சேஞ்சர்” என்ற படத்தில் நடித்துள்ளார். இந்த படத்தை ஸ்ரீ வெங்கடேஸ்வரா கிரியேஷன்ஸ் சார்பில் தில் ராஜு தயாரித்து வருகிறார், மேலும் இசையமைப்பாளராக தமன் பணியாற்றுகிறார். இப்படத்தில் கதாநாயகியாக கியாரா அத்வானி நடிக்கிறார்.
அத்துடன், எஸ்.ஜே. சூர்யா, அஞ்சலி, ஸ்ரீகாந்த், சமுத்திரக்கனி உள்ளிட்ட பலரும் முக்கிய கதாபாத்திரங்களில் நடித்து வருகின்றனர். “இந்தியன் 2” படத்தின் எதிர்மறையான விமர்சனங்களுக்குப் பிறகு, இயக்குநர் ஷங்கர் தனது முழு கவனத்தையும் ராம் சரண் படத்தின் மீது செலுத்தி வருகிறார். இந்த படம் அடுத்த ஆண்டு பொங்கல் பண்டிகையை முன்னிட்டு, ஜனவரி 10-ம் தேதி வெளியிடப்படும் என்று திட்டமிடப்பட்டுள்ளது.
இந்நிலையில், இப்படத்தில் ராம் சரணை தேர்ந்தெடுத்ததற்கான காரணம் பற்றி ஷங்கர் கூறுகையில், “கேம் சேஞ்சர்” படத்தில் கதாநாயகனாக ராம் சரண் இருந்தால் சிறப்பாக இருக்கும் என்று தயாரிப்பாளர் தில் ராஜு கருதினார். எனக்கும் அது சரியான முடிவாக தோன்றியது. ஆழமான நடிப்பு திறனை வெளிப்படுத்தக்கூடியவர் ராம் சரண். எந்த வகையான கதையாக இருந்தாலும், அதை அவர் அழகாக கையாளும் திறன் கொண்டவர்,” என்று தெரிவித்தார்.
