எனது வாழ்க்கையை ஆசிர்வதிக்கவும் மாற்றவும் வந்த படம் இதுதான் – நயன்தாரா நெகிழ்ச்சி பதிவு!

தமிழ், மலையாளம், தெலுங்கு போன்ற தென்னிந்திய மொழிகளில் முக்கியமான நடிகையாக இருக்கும் நயன்தாரா, தனது நடிப்பில் வெளியான அன்னபூரணி படத்தால் கலவையான விமர்சனங்களையும், சில சர்ச்சைகளையும் சந்தித்தார். தற்போது, ‘டியர் ஸ்டூடண்ட்ஸ்’, ‘டாக்சிக்’, ‘தனி ஒருவன் 2’ உள்ளிட்ட படங்களில் நடித்து வருகிறார். மேலும், ‘மண்ணாங்கட்டி’ மற்றும் ‘டெஸ்ட்’ ஆகிய படங்கள் வெளியீட்டுக்குத் தயாராகி வருகின்றன.

‘நானும் ரவுடி தான்’ திரைப்படம் 2015 அக்டோபர் 21-ஆம் தேதி வெளியானது. இது மிகப்பெரிய வெற்றிப் படமாக அமைந்தது. தற்போது இந்தப் படம் வெளியானதற்கு 9 ஆண்டுகள் ஆனதை நினைவுகூர்ந்த நயன்தாரா, தனது இன்ஸ்டாகிராம் பக்கத்தில், “எனது வாழ்க்கையை ஆசிர்வதிக்கவும் மாற்றவும் வந்த படம் இது. 9 வருடங்களுக்கு முன்பு ‘நானும் ரவுடி தான்’ வெளிவந்தது. இது மக்களிடமிருந்து எனக்கு புதிய அன்பை கொடுத்த படம். இந்த அனுபவத்தை எப்போதும் மறக்க மாட்டேன்.

Video Link: https://www.instagram.com/reel/DBZLVQIM6r_/?igsh=MXdlc2NqbWJleW1nYw==

நடிகையாக எனக்குத் தரப்பட்ட புதிய பாடங்கள், அனுபவங்கள், நினைவுகள், மற்றும் புதிய உறவுகளின் நினைவுகள் எனக்கு மிகவும் விலையுயர்ந்தவை. இந்தப் படத்தை மட்டுமல்ல, எனது வாழ்க்கையில் மிக முக்கியமான என் வாழ்க்கைத் துணையையும் எனக்கு வழங்கிய விக்னேஷுக்கு நான் நன்றி சொல்ல விரும்புகிறேன். ‘நானும் ரவுடி தான்’ என்ற சிறப்புவாய்ந்த படத்தினால் எனக்குத் தந்த மறக்க முடியாத அனுபவங்களுடன் சேகரித்திருந்த சில புகைப்படங்களை இங்கு பகிர்ந்துள்ளேன்” என்று பதிவிட்டுள்ளார்.