இயக்குநர் லோகேஷ் கனகராஜ் மற்றும் நடிகர் ரஜினிகாந்த் நடிப்பில் உருவாகியுள்ள படம் தான் ‘கூலி’. இந்தப் படத்திற்கான இசையமைப்பை அனிருத் மேற்கொண்டுள்ளார். இந்தப் படத்தில் அமீர் கான், சத்யராஜ், நாகர்ஜுனா, சௌபின் ஷாஹிர், சுருதிஹாசன், பகத் பாசில், ரெபா மோனிகா ஜான் மற்றும் உபேந்திரா ஆகியோர் முக்கிய வேடங்களில் நடித்துள்ளனர். ரசிகர்கள் மத்தியில் இப்படத்தின் மீது மிகப்பெரிய எதிர்பார்ப்பு நிலவி வருகிறது. இந்த திரைப்படம் வரும் ஆகஸ்ட் 14ம் தேதி திரையரங்குகளில் வெளிவரவுள்ளது.
‘கூலி’ படத்தில் இடம்பெற்றுள்ள ‘சிக்கிடு’, ‘மோனிகா’ மற்றும் ‘பவர் ஹவுஸ்’ பாடல்கள் வெளியாகி ரசிகர்களிடம் பெரிய வரவேற்பைப் பெற்றுள்ளன. தற்போது படத்திற்கான விளம்பர நடவடிக்கைகள் முழு வீச்சில் நடைபெற்று வருகின்றன.
ரஜினிகாந்த் நடிக்கும் இந்த ‘கூலி’ படத்தின் இசை வெளியீட்டு விழா ஆகஸ்ட் 2ம் தேதி சென்னையில் உள்ள நேரு உள் விளையாட்டு அரங்கில் நடைபெறும் என அறிவிக்கப்பட்டுள்ளது. மேலும், இந்த விழாவிற்கான விளம்பர வீடியோவையும் படக்குழு வெளியிட்டுள்ளது. இதனுடன், இப்படத்தின் டிரெய்லரும் ஆகஸ்ட் 2ம் தேதி வெளியாவதாக படக்குழு அதிகாரப்பூர்வமாக அறிவித்துள்ளது.
