தமிழ் சினிமாவின் முன்னணி நடிகர்களில் ஒருவராக வலம் வருபவர் அருள்நிதி. வம்சம், மவுனகுரு, டிமாண்டி காலனி, ஆறாது சினம், இரவுக்கு ஆயிரம் கண்கள், கே-13 உள்ளிட்ட பல திரைப்படங்களில் நடித்த அவர், தனித்துவமான கதாபாத்திரங்களின் மூலம் ரசிகர்களிடையே பிரபலமடைந்தார். சமீபத்தில் வெளிவந்த அவரது டிமாண்டி காலனி 2 படம் வசூல் ரீதியாகவும், விமர்சன ரீதியாகவும் சிறப்பான வரவேற்பைப் பெற்றது.
இதையடுத்து, முத்தையா இயக்கத்தில் அருள்நிதி நடித்துள்ள புதிய படம் “ராம்போ”. இப்படத்தில் தான்யா ரவிச்சந்திரன் கதாநாயகியாக நடிக்க, அபிராமி, விடிவி கணேஷ் உள்ளிட்ட பலர் முக்கிய வேடங்களில் நடித்துள்ளனர்.
குத்துச்சண்டையை மையமாகக் கொண்டு உருவாகியுள்ள இப்படம், வரும் 10ஆம் தேதி சன்நெக்ஸ் ஓடிடி தளத்தில் நேரடியாக வெளியிடப்பட உள்ளது. இதற்கிடையில், படத்தின் டிரெய்லர் வெளியாகி, ரசிகர்களிடையே பெரும் வரவேற்பை பெற்றுள்ளது.
