ராஷ்மிகா மந்தனா நடித்துள்ள ஹாரர் படமான ‘தாமா’ படத்தின் டீஸர் வெளியீடு!

இந்திய திரையுலகில் பிசியாக வலம் வரும் நடிகையான ராஷ்மிகா மந்தனா தனது முதல் ஹாரர் படத்தில் நடிக்க இருக்கிறார். இதற்கு தாமா என்று பெயரிடப்பட்டுள்ளது. ஸ்ட்ரீ, முஞ்யா போன்ற ஹாரர் படங்களை தயாரித்த மேட்காப் நிறுவனம் இந்தப் படத்தையும் தயாரிக்கிறது.

ஆதித்யா சர்போத்தர் இயக்கும் இப்படத்தில், ஆயுஷ்மான் குரானா கதாநாயகனாக நடிக்கிறார். மேலும், நவாஸுதீன் சித்திக் மற்றும் பரேஷ் ராவல் முக்கிய கதாபாத்திரங்களில் நடிக்கிறார்கள்.

மிகப்பெரிய பட்ஜெட்டில் உருவாகும் இந்த ஹாரர் படம் வரும் தீபாவளிக்கு வெளியாக உள்ளது. இதற்கான டீசர் தற்போது வெளியிடப்பட்டதால் ரசிகர்கள் மத்தியில் எதிர்பார்ப்பு அதிகரித்துள்ளது.