மலையாள சினிமாவின் முன்னணி இயக்குநர் சத்யன் அந்திக்காட்டின் இயக்கத்தில் நடிகர் மோகன்லால் ‘ஹிருதயப்பூர்வம்’ என்ற புதிய திரைப்படத்தில் நடித்து உள்ளார். இந்த படத்தில் அவருக்கு ஜோடியாக நடிகை மாளவிகா மோகனன் நடித்திருக்கிறார்.
மேலும், இந்தப் படத்தில் சங்கீதா, சித்திக், சங்கீத் பிரதாப், நிஷான், லாலு அலெக்ஸ், ஜனார்த்தனன் உள்ளிட்டோர் முக்கிய கதாபாத்திரங்களில் நடித்துள்ளனர். இப்படத்திற்கு அகில் சத்யன் வசனம் எழுத, இசையமைப்பாளராக ஜஸ்டின் பிரபாகரன் பணியாற்றியுள்ளார்.
இந்நிலையில், ‘ஹிருதயப்பூர்வம்’ திரைப்படத்தின் டீசரை படக்குழு சமீபத்தில் வெளியிட்டுள்ளது. டீசரில், ஒருவர், மலையாளத்தில் எனக்கு மிகவும் பிடித்த நடிகர் பகத் பாசில்தான். அவர் ஒரு அற்புதமான நடிகர் என்கிறார். அதற்கு பதிலளிக்கும் மோகன்லால், ஆனால் அவருக்கு முன் பல நட்சத்திரங்களும் இருக்கிறார்கள் அல்லவா? என கூறுகிறார். அதற்கு அவர், ‘இல்லை. எனக்கு பகத் பாசில் மட்டும்தான் என உறுதியாக பதிலளிக்க, அதற்கு மோகன்லால் நகைச்சுவையாக பதிலளித்து அங்கிருந்து நகரும் காட்சி இடம்பெறுகிறது. இந்த டீசர் ரசிகர்களிடையே நல்ல வரவேற்பை பெற்றதுடன், படம் பற்றிய எதிர்பார்ப்பையும் மேலும் அதிகரித்துள்ளது.
