டொமினிக் அருண் இயக்கத்தில், நஸ்லேன் – கல்யாணி பிரியதர்ஷன் நடித்த லோகா சாப்டர் 1 திரைப்படம் பெரும் வெற்றியை பெற்றது. இப்படத்தில் வில்லனாக நடித்த சாண்டியின் தனித்துவமான நடிப்பு அனைவரையும் கவர்ந்தது. துல்கர் சல்மான் தயாரிப்பில் வெளிவந்த இந்த படம், மோகன்லாலின் எம்புரான் பட வசூலை முறியடித்து, மலையாள சினிமாவில் அதிக வசூல் செய்த திரைப்படமாக சாதனை படைத்தது.
மேலும், ஒரு பெண் கதாபாத்திரத்தை மையமாகக் கொண்டு உருவாக்கப்பட்ட படங்களில், அதிக வசூல் செய்த இந்திய திரைப்படம் என்ற சாதனையையும் பெற்றுள்ளது. உலகளவில் ரூ.200 கோடி வசூலை எட்டிய லோகா, மிகப்பெரிய சாதனையை பதிவு செய்துள்ளது. ரசிகர்கள் பலரும் படத்தை பாராட்டி, சமூக வலைத்தளங்களில் தங்களின் கருத்துகளை பகிர்ந்து வருகின்றனர்.
இந்நிலையில், லோகா சாப்டர் 2 தொடர்பான அறிவிப்பு வீடியோவை தயாரிப்பாளர் துல்கர் சல்மான் வெளியிட்டுள்ளார். இதில், நடிகர் டோவினோ தாமஸ் முக்கிய கதாபாத்திரத்தில் நடிக்க உள்ளார் என்று புரோமோ வீடியோவின் மூலம் படக்குழு அறிவித்துள்ளது. மேலும், துல்கர் சல்மான் சார்லி என்ற கதாபாத்திரத்திலும், டோவினோ தாமஸ் மைக்கேல் என்ற கதாபாத்திரத்தில் நடிக்கவுள்ளது குறிப்பிடத்தக்கது.
