2019ஆம் ஆண்டு அதியன் ஆதிரை இயக்கத்தில் ‘அட்டகத்தி’ தினேஷ் நடித்த ‘இரண்டாம் உலகப்போரின் கடைசி குண்டு’ படம் வெளியானது. விமர்சன ரீதியாக நல்ல வரவேற்பைப் பெற்ற அந்த படத்துக்குப் பிறகு, இயக்குநரின் இரண்டாவது படமாக ‘தண்டகாரண்யம்’ உருவானது. பா.ரஞ்சித் தலைமையிலான நீலம் புரொடக்ஷன்ஸ் நிறுவனம் இப்படத்தை தயாரித்துள்ளது.
இப்படத்தில் தினேஷ், கலையரசன் முக்கிய கதாபாத்திரங்களில் நடித்துள்ளனர். மேலும் பாலசரவணன், முத்துக்குமார், ரித்விகா, வின்சு, அருள்தாஸ், யுவன்மயில்சாமி, சரண்யா ரவிச்சந்திரன் உள்ளிட்ட பலரும் நடித்துள்ளனர். இசையமைப்பை ஜஸ்டின் பிரபாகரன் கவனித்துள்ளார். பாடல்களை உமாதேவி, அறிவு, தனிகொடி ஆகியோர் எழுதியுள்ளனர்.
‘யு/ஏ’ சான்றிதழ் பெற்ற இப்படம் வரும் செப்டம்பர் 19ஆம் தேதி வெளியாகிறது. இதில் தினேஷ் “சடையன்” என்ற கதாபாத்திரத்தில் நடித்து உள்ளார். அதிகாரத்தின் அராஜகங்கள் மற்றும் அநீதிகள் குறித்து பேசும் படமாக இது அமையக்கூடும் என எதிர்பார்க்கப்படுகிறது. “அமரன்கள் செய்த அநீதிகளைப் பேசும் தண்டகாரண்யம்” எனும் போஸ்டர் கவனம் பெற்ற நிலையில், இப்படத்தின் ‘காவ காடே’ பாடல் சமீபத்தில் வெளியிடப்பட்டது.
