புச்சிபாபு சனா இயக்கத்தில், ஏ.ஆர். ரஹ்மான் இசையமைப்பில் உருவாகி வரும் தெலுங்கு படம் ‘பெத்தி’யில் ராம் சரண், ஜான்வி கபூர், சிவராஜ்குமார், ஜெகபதி பாபு, திவ்யேந்து சர்மா உள்ளிட்ட பலரும் முக்கிய கதாபாத்திரங்களில் நடித்துள்ளனர். இப்படம் 2026 மார்ச் 27 அன்று வெளியாகும் என அறிவிக்கப்பட்டுள்ளது.
இப்படத்தின் முதல் சிங்கிள் பாடலாக ‘சிக்ரி சிக்ரி’ இரண்டு நாட்களுக்கு முன்பு வெளியிடப்பட்டது. வெளியான 24 மணி நேரத்துக்குள், இந்த பாடல் 29 மில்லியனுக்கும் மேற்பட்ட பார்வைகளைப் பெற்று, தெலுங்கு லிரிக் வீடியோ பாடல்களில் புதிய சாதனையைப் படைத்துள்ளது.இதற்கு முன், ‘புஷ்பா 2’ படத்தின் ‘கிஸ்ஸிக்’ பாடல் 24 மணி நேரத்தில் 27 மில்லியன் பார்வைகளைப் பெற்ற சாதனையை ‘சிக்ரி சிக்ரி’ முறியடித்துள்ளது.
தற்போது, இந்தப் பாடல் தெலுங்கில் 34 மில்லியன், ஹிந்தியில் 12 மில்லியன், தமிழில் 2.7 மில்லியன், கன்னடத்தில் 1.4 மில்லியன், மற்றும் மலையாளத்தில் 1.5 மில்லியன் பார்வைகளை கடந்துள்ளது.
