பாலிவுட்டில் வளர்ந்து வரும் இளம் நடிகராக அபார்ஷக்தி குரானா திகழ்கிறார். அவர் ‘ஸ்திரீ’, ‘லூகா சூப்பி’, ‘ஹெல்மெட்’ உள்ளிட்ட பல படங்களில் நடித்துள்ளார். தற்போது ‘ரூட்: ரன்னிங் அவுட் ஆப் டைம்’ என்ற திரைப்படத்தின் மூலம் தமிழில் தனது அறிமுகத்தை செய்துள்ளார்.
இந்தப் படத்தில், அவருடன் கவுதம் ராம் கார்த்திக் இணைந்து நடிக்கிறார். அவருக்கு ஜோடியாக பவ்யா த்ரிகா நடித்துள்ளார். இந்த படம் சயின்ஸ் பிக்ஷன் வகையிலான திரில்லராக உருவாகி வருகிறது. இதனை வெருஷ் புரொடக்ஷன் நிறுவனம் தயாரிக்க, இயக்குனர் சூரியபிரதாப் இயக்குகிறார். தற்போது இப்படத்தின் படப்பிடிப்பு பூஜையுடன் தொடங்கியுள்ளது.
இந்தப் படத்தைப் பற்றிச் சொன்னபோது, இது அறிவியல் கற்பனையும் உணர்வும் கலந்துவந்த ஒரு தனித்துவமான கிரைம் திரில்லராக உருவாகும் என கூறினார். கடிகாரம் ஓடிக்கொண்டிருக்கும் சூழலில் ஒரு குற்ற விசாரணை நடக்க, அதில் அறிவியல் பின்னணியையும் உணர்வுப்பூர்வமான கதாப்பாத்திரங்களையும் இணைத்து உருவாக்கும் முயற்சியே இந்தப் படத்தின் முக்கிய நோக்கமாகும் என விளக்கினார்.
கவுதம் ராம் கார்த்திக் தனது கதாப்பாத்திரத்தைக் கொண்டு காவல் அதிகாரியாக முழு நம்பிக்கையுடன் நடித்துள்ளார். அபார்ஷக்தி குரானா தமிழில் தனது முதல் படத்திலேயே திறமையைக் காட்டும் ஒரு நல்ல நடிகராக உருவெடுக்கிறார். அவருக்கும் கவுதமுக்கும் இடையிலான காட்சிகள் இப்படத்தில் முக்கியத்துவம் வாய்ந்ததாக அமையும் என நம்புகிறார் என்றும் அவர் தெரிவித்தார்.
