இயக்குனர் லோகேஷ் கனகராஜ் தயாரிக்கும் ‘மிஸ்டர் பாரத்’ படத்தின் படப்பிடிப்பு நிறைவு!

‘பைட் கிளப்’ படம் மூலம் தயாரிப்பாளராக அறிமுகமான இயக்குனர் லோகேஷ், தற்போது ராகவா லாரன்ஸ் நடிக்கும் ‘பென்ஸ்’ படத்தை தயாரித்து வருகிறார். இதையடுத்து, “மிஸ்டர் பாரத்” என்ற புதிய திரைப்படத்தையும் தயாரித்து வருகிறார். இதில் பிரபல யூடியூபராக அறியப்படும் பாரத் கதாநாயகனாக நடித்துள்ளார்.

இயக்குனர் நிரஞ்சன் இயக்கும் இந்த படத்தில் ‘கட்சி சேர’ புகழ் சம்யுக்தா விஸ்வநாதன், பால சரவணன், நிதி பிரதீப், லிங்கா, ஆதித்யா கதிர் ஆகியோர் முக்கிய கதாபாத்திரங்களில் நடித்துள்ளனர்.

 சமீபத்தில் இப்படத்தின் ஃபர்ஸ்ட் லுக் போஸ்டர் வெளியானது, அது ரசிகர்களிடம் நல்ல வரவேற்பைப் பெற்றது.தற்போது இப்படத்தின் படப்பிடிப்பு பணிகள் முடிந்து, கேக் வெட்டி படக்குழுவினர் கொண்டாடியுள்ளனர்.