வேல்ஸ் நிறுவனம் தயாரிப்பில் வி.ஜே.சித்து இயக்கி நடிக்கும் ‘டயங்கரம்’ படத்தின் படப்பிடிப்பு பூஜையுடன் தொடக்கம்!

தமிழ் யூடியூபர்களில் அதிகமான ரசிகர்களை கொண்டவர்களில் ஒருவர் வி.ஜே. சித்து.நிகழ்ச்சித் தொகுப்பாளர், பிராங்க் ஷோ என தனது கரியரைத் தொடங்கிய இவர், தற்போது ‘சித்து விலாக்ஸ்’ என்ற யூடியூப் சேனலை நடத்தி வருகிறார்.

சமீபத்தில் வெளியான ‘டிராகன்’ படத்தில் முக்கிய கதாபாத்திரத்தில் நடித்திருந்தார்;அதில் இவரின் நடிப்பு பாராட்டப்பட்டது.அதனைத் தொடர்ந்து வி.ஜே. சித்து தற்போது தமிழ் சினிமாவில் இயக்குனராக அறிமுகமாகிறார்.

வேல்ஸ் பிலிம்ஸ் இன்டர்நேஷனல் சார்பில் தயாரிப்பாளர் ஐசாரி கணேஷ் தயாரிக்கும் ‘டயங்கரம்’ படத்தை வி.ஜே. சித்து எழுதி, இயக்கி, ஹீரோவாக நடிக்கிறார்.‘டயங்கரம்’ படத்தின் டைட்டில் லுக் போஸ்டர் மற்றும் புரோமோ வீடியோ சமீபத்தில் வெளியாகி வைரலானது. தற்போது, ‘டயங்கரம்’ படத்தின் படப்பிடிப்பு பூஜையுடன் இன்று தொடங்கியுள்ளது.