பூஜையுடன் தொடங்கிய பிரபல தயாரிப்பாளர் கே.ஜே.ஆர் ராஜேஷ் நடிக்கும் இரண்டாவது புதிய திரைப்படம்!

தமிழில் ஹீரோ, அறம், அயலான் போன்ற படங்களை கே.ஜே.ஆர் நிறுவனத்தின் மூலம் தயாரித்தவர் ராஜேஷ். தற்போது முதல்முறையாக கதாநாயகனாக அங்கீகாரம் எனும் படத்தில் நடித்து முடித்துள்ளார். இதையடுத்து ராஜேஷ் கதாநாயகனாக நடிக்கும் இரண்டாவது பட அப்டேட் வெளியானது. அதன்படி, எனிமி, மார்க் ஆண்டனி போன்ற படங்களை தயாரித்த மினி ஸ்டுடியோஸ் நிறுவனம் தயாரிக்கும் இப்படத்தை அறிமுக இயக்குனர் ரீகன் ஸ்டெனிசலஸ் இயக்குகிறார். இதில் கதாநாயகனாக ராஜேஷ் நடிக்கிறார். அவருக்கு ஜோடியாக தெலுங்கில் வெளியான கோர்ட் படத்தின் மூலம் பிரபலமான ஸ்ரீதேவி அப்பலா நடிக்கிறார். அஜூ வர்கீஸ், அர்ஜுன் அசோகன், ஹரிஷ் குமார், அஸ்வின் குமார் உள்ளிட்டோர் முக்கிய கதாபாத்திரங்களில் நடிக்கின்றனர். ஜிப்ரான் இசையமைக்கிறார். இன்று இந்த படத்தின் படப்பிடிப்பு பூஜையுடன் தொடங்கியுள்ளது.